నేనెందుగ్గాను
అభినేతను గాను
అధినేతను గాను
అధోలోకం లోంచి
అధిలోకానికి ఎగరాలనుకునే
రెక్కల బలం లేని
అజ్ఞాత అంధకారుణ్ణి
యుద్ధ ప్రకటనల
హెచ్చరికల్లేకుండా
ఆ మేఘం గాడు
ఎన్ని వడగండ్లతో
దాడి చేసాడో నీకేం తెలుసు
పాశిపోయిన చర్మపు బొంతను
వాసనొస్తున్నా పట్టించుకోకుండా కాసేపు ముక్కును పక్కన పెట్టి
శ్వాసకు దూరంగా బతికిన ఏడాదులెన్నో
కన్పిస్తే వాడెక్కడ పుల్ల గీరి
మంటతో మండిస్తడన్న
మౌన భయంతో
ఎండలోనుండి
నీడ కోసం చేసిన ఆహార దీక్షలెన్నో
అందరి చేత ప్రశంసలు
తిందామని ఆకలేసిన గానీ
తినలేని రోజులను
దినచర్య గ్రంథంలో ఎన్ని
పుటలపై రాసుకున్నానో
నా గోస గోషాను చూసి
ఇంతి నన్నూ సాహిత్యాన్ని
విడదీయనీకే ఎంత పోరాడిందో
చివరికి గెలవలేక గెలవలేక
గెలిచావని నన్ను ఎంత
నిద్రలేపిందో
సమయం:9.59
తేదీ. 17.04.2020
కామెంట్లు లేవు:
కామెంట్ను పోస్ట్ చేయండి