పాల స్తనాలు

గుక్కపట్టిన అగర్భున్ని నోరు

భూకంపం వచ్చిన 

భూమి

ఏ దేశంలోనో పాతి పెట్టిన

పాల కుండలు 

ఒక్కటైన

పాడుబడ్డ బావి

రోధిస్తున్న బాలుడి 

మొహం రౌద్ర రసంలో

మునిగింది

పాల కొరకు పాపాలు

తెలియని పాపాయిలు

చిక్కటి చీకటి కింద

చిక్కిపోయి చనిపోయారు

అమెరికాలేదే బిమారొచ్చింది

భీమాలేని బతుకులనెన్నో

బలి తీసుకుంది

రగతం పారని రణరంగమేదో-

మనుషుల సావుకు 

శాఖబెట్టింది

దూప దీర్చుకునే 

దరిద్రుల గ్రామ దేవతలు

ఎక్కడ దూరిర్రో

మళ్లీ మొక్కుతున్న

పోలేరమ్మ 

గుడి ముందు

మడి కట్టుకొని

గంతులేస్తున్న

ఇటలీలో చూద్దామంటే

ఇల్లు 

కానొస్తలేదు!

పిల్లలకు పాలు

పడదామంటే 

ఇంతుల చళ్ళు కనిపిస్తలేవు

వెతగ్గా వెతగ్గా వెలుగులోకొచ్చాయి

పాలింకి పోయిన 

పతివ్రతా తల్లుల

రొమ్ములు 

పైసలకమ్ముడుబోయాయి

పిండడానికి దొరక్కుండా 

సన్నబడ్డాయి

పిల్లల నోళ్ళ కందకుండా

ఊగుతున్నాయి

పాల కుండలు రెండు

పగిలిపోతున్నాయి

పసిడి బతుకులు

కొన్ని కరువైతున్నాయి

           తేది:19.04.202