‘చెర’వాణి (కవిత )- ఘనపురం సుదర్శన్
ఆ చరవాణిలో దీపాలు
వెలుగుతాయి/ కంటిలోని దీపాలను ఆర్పుతుందని తెలుసుకోవోయి …
ఆ చరవాణి అందరిని
పలకరిస్తుంది / మనుషులను
భౌతికంగా దూరం చేస్తుంది
చరవాణికి నోరు లేదు ఐనా
గబగబా మాట్లాడుతది/
హృదియముంటే బాగుండు
చరవాణి కాలక్షేపానికి లేదు
కాలక్షేపానికే చరవానొచ్చింది
పని ఉన్న మనిషిని పని లేకుండా చేస్తుంది
చరవాణి మంచిని మోసుకొస్తది ఐనా
మంచిది కాదు/చరవాని చెడునూ
మోసుకొస్తుంది ఐనా చెడ్డదీ కాదు
మంచి చెడ్డలు మనలో ఉండాలి
చరవాణి అలసిపోదు అలిసేలా
చేస్తుంది /చరవాణి కళ్ళనివ్వదు
కళ్ళు పోయేలా చేస్తది ……
చరవాణికి చెవుల్లేవు వినడానికి ….
చరవాణికి మనసూ లేదు
బాధ వస్తే కరగడానికి
– ఘనపురం సుదర్శన్
~~~~~~~~~~~~~~~~~~
కామెంట్లు లేవు:
కామెంట్ను పోస్ట్ చేయండి